Pas rënies së vlerës së euros, duket se tashmë ka marrë tatëpjetën paundi britanik.
Ky i fundit ka shënuar një rënie me 1.5 pikë ndaj lekut gjatë ditës së sotme, teksa këmbehet me 148.5 lekë.
Megjithatë, ndryshimet në ditën e parë të muajit mars kanë qenë shumë të pakta në tregun vendas të këmbimit valutor.
Dollari amerikan dhe euro paraqiten në vlera të pandryshuara, respektivisht në vlerën e 131.8 dhe 108 lekëve. Siç është pohuar ditët e fundit, euro ka prekur nivelin më të ulët të 9 viteve të fundit.
Po ashtu, në rënie është evidentuar edhe paundi australian, i cili kap vlerën e 83.30 lekëve si dhe dollari kanadez, i cili u regjistrua në vlerën e 84 lekëve, raporton Scan-tv.com.
Ndërsa sa i takon frangës zvicerane, ka shënuar një rritje me 0.5 pikë gjatë ditës së sotme.
