Duke mos gjetur hapësira tek Atletico Madrid, Keidi Bare ka zgjedhur që të largohet për t’iu bashkuar Makagas. Mesfushori shqiptar ka qenë gjatë këtyre viteve në vëmendjen e trajnerit Diego Simeone, por asnjëherë nuk arriti të bënte hapin e madh dhe ta kalonte në skuadrën e parë.
Bare ka ndryshuar skuadër por jo shtet dhe nga informacionet e para që vijnë ai me ekip[in e ri ka nënshkruar një kontratë 3 vjeçare. Ai do të kërkojë të bëjë hapin e madh në karrierë dhe të luftojë për minuta në skuadrën e re. Malaga ka fituar konkurrencën me klubet e tjera, pasi për 21-vjeçarin kishte interes dhe nga Greqia, Anglia dhe Danimarka.
Kapiteni i Shqipërisë së shpresave ka preferuar Malagan. Skuadër kjo që militon në ligën e dytë spanjolle dhe kërkon të ngjitet sërish në Primiera Division. Në dy ndeshjet e para të kampionatit, ekipi i ri i mesfushorit ka fituar dy ndeshje duke u konfirmuar si pretendentët kryesorë për ngjitjen.
Atletico nuk ka preferuar që të shkëpusë kontratën 100% me mefushorin e kombëtares shqiptare, pasi kanë mbajtur një përqindje të kartonit. Në rast se Bare arrin të shkëlqejë tek skuadra e re dhe të arrij një formë të lartë, madrilenët do të kenë mundësinë që ta rikthejnë në skuadër.
