Vijojnë akuzat dhe replikat midis kryeministrit dhe liderit të opozitës.
Kreu i qeverisë, Edi Rama reagoi pas deklaratës së kreut të PD, Lulzim Basha se ai po bën zëdhënësin e Beogradit.
Sipas tij, raporti i Dik Marty është miratuar nga PD ishte në pushtet.
Rama e pyet Bashën nëse ka përdorur maskë qysh atëherë, kur sipas tij merrte në pyetje shqiptarët për llogari të Dick Marty.
Rama i kërkon Bashës që të tregojë të vërtetën.
”Pse Beogradi nuk e donte raportin e Dick Marty prandaj e miratuat ju Lulëzim! Dhe meqë ra fjala a është e vërtetë që ke përdorur maskë qysh atëherë, kur merrje në pyetje shqiptarët për llogari të zotit Dick apo edhe kjo është sajesë e Beogradit? Fol Lulēzim, thuaje të vërtetën!’’, shkruan Rama në rrjetin social, Twitter.
Pse Beogradi nuk e donte raportin e Dick Marty prandaj e miratuat ju Lulëzim! Dhe meqë ra fjala a është e vërtetë që ke përdorur maskë qysh atëherë, kur merrje në pyetje shqiptarët për llogari të zotit Dick apo edhe kjo është sajesë e Beogradit? Fol Lulēzim, thuaje të vërtetën!
— Edi Rama (@ediramaal) November 8, 2020
“Shtëpia e Verdhë” është banesë në një fshat afër Burrelit, ku pretendohet se janë kryer transplante organesh organe të robërve serbë, për qëllime tregtie pas luftës në Kosovë.
