Më shumë se asnjëherë këto ditë kemi pasur nevojë për psikolog apo specialist të cilët të na japin këshilla për këtë situatë post traumatike që na la tërmeti.
Një seminar falas për prindërit e rinj, mbledh profesionist të fushave të ndryshme për të ardhur në ndihmë sa më shumë.
Është mëse e zakonshme që si një formë kulture që kemi formuar si shoqëri, që për shumicën e gjërave që na ndodhin apo kur kemi nevojë për informacion, klikojmë makinën e kërkimit google dhe me fjalët kyçe presim të na japë rezultatet që duam. Ndër qindra opsione lexojmë ato që na paraqiten duke dashur të marrim masa sipas listës që na del në ekranin tonë.
Edhe kur kemi problem shëndetësore, vetë kurohemi duke menduar se jemi të aftë mjaftueshëm për t’i dhënë zgjidhje. Patjetër që duhet të përmendim që mjeku kushton, madje jo pak herë mjekët kanë edhe një komunikim të ftohtë dhe jo të përshtatshëm të cilët na e kanë ulur besueshmërinë. Por kjo nuk përbën justifikim që ne të qëndrojmë nën hijen e vendimeve personale pa u konsultuar me një specialist.
Nëse për probleme shëndetësore jemi të azhurnuar disi më tepër, aspekti jonë mendor lihet pas dore duke pasur hezitim që të konsultohemi me një profesionit. Tendenca po ndryshon, por kjo varet edhe nga zona ku secili prej nesh jeton pasi fatkeqësisht profesionist nuk mund të gjesh kudo.
Ndaj një ide lindi nga nevoja për të bashkuar në një panel disa emra të fushave të caktuara për t’i ardhur në ndihmë prindërve.
Një seminar i titulluar ʺDua të di më shumëʺ, do të shtjellojë informacionet e nevojshme për nënat shtatzëne, nënat e reja, dhe baballarë të cilët janë në rrugën e gjatë dhe të vështirë të prindërimit.
Lindi si një nisëm nga Jonela Ndone, një nënë e cila kaq e ndjeshme për këtë çështje, kërkoi bashkëpunimin e sociologes Marsida Simo për të organizuar falas seminare të tilla. Për tu bashkuar në këtë organizim, erdhi edhe mbështetja e Dr. Kozeta Mustafaraj gjinekologe, dietologes Anila Kalleshi, dhe psikologe Aljona Jonuzaj.
Të nxitur edhe nga situata post traumatike, u bënë bashkë për tu qëndruar pranë prindërve, të cilët kanë realisht nevojë për një dorë më shumë.
Jeni të mirëpritur në seminarin ʺDua të di më shumëʺ dhe mos hezitoni të bëni më të mirën për fëmijët tuaj.
Për të interesuarit mund të kontaktoni me Marsida Simo, sociologe. 0693160059
