Kryeministri Edi Rama i është përgjigjur komentuesve në rrjetet sociale, të cilët e “akuzuan se pallatet bëhen me lejen tënde”. Rama pranoi se edhe sot ka ndërtime pa leje, por ia hodhi fajin sistemit të drejtësisë. Kreu i qeverisë pohoi se ndërtimet pa leje kanë qenë kanceri i këtij vendi, e ndërsa sot ndodhen në kushtet për ti dhënë një goditje këtij fenomeni.
“Ndërtimet pa leje kanë qenë kanceri i këtij vendi, ka ndërtime pa lejen, patjetër nuk diskutohet. Por po të vijmë tek këto metrat katrorë pa leje, abuzim mbi një leje ndërtimi, e kemi ulur 10 fish. Sot jemi në kushtet kur duhet t’i japim një goditje përfundimatere këtij fenomeni të shëmtuar e fyes. E pamundur që ne të vendosim kontroll të plotë e të rreptë kur vjen puna te ata që ndërtojnë, një avlli, një çati dhe një shtëpi në fshat e të vijë të ketë shans për parrallinjtë e biznesmenët të hapen ndenjësesh e të bëjnë metra katrorë në kryeqytet.
Kjo që po bëjmë ka ardhur si rezultat se nxirr ligje e masa sa të duash, bëj kontrolle e denoncime sa të duash sa kohë ky sistem drejtësie në nivelin e prokurorive e gjykatave të rretheve nuk është i pastruar, je i destinuar të turpërohesh”.
Rama iu përgjigj një tjetër komentueseje që i tha se po bën lojë të dyfishtë me ndërtimet pa leje: “Po të ishte lojë e dyfishtë e po të isha unë pjesë e lojës, do i lejoja e në fund do i merrja për vete, jo për shtetin. Se kjo s’ka pikë logjike, është të fyesh inteligjencën tënde.
Çfarë është kjo lojë e dyfishtë? Kjo s’ka kuptim që i lejoj të ndërtohet e i marr për shtetin. Sot ndodh sepse mua nuk më kap dot askush me para, dhe për mua paraja nuk vjen asnjëherë e para”.
