Katër të akuzuarit si anëtarët e “Grupit Bajri”, Safet Bajri, Ilir Bajri, Ismet Idrizi dhe Asmer Bilali kanë kallëzuar penalisht gjyqtaren Iliriana Olldashi, për “Shpërdorim të detyrës”.
Sipas kallëzimit të deponuar sot, kanë kaluar më shumë se 3 javë dhe vendimi i masës së sigurimit “Arrest në burg” nuk është zbardhur. Sipas tyre: “Po mundohen të na mbajnë me çdo kusht në burg”, raporton “shqiptarja.com”.
Kjo është hera e dytë që të katër anëtarët e grupit i janë drejtuar Komisionit të Posaçëm të Kualifikimit me kërkesë ankimore ndaj gjyqtares Iliriana Olldashi dhe prokurorit Anton Martini. Ata kanë kërkuar me ngulm largimin e tyre nga sistemi i drejtësisë, si njerëz të papërshtatshëm dhe të nënshtruar nga faktorë politikë.
