Shqipëria U21zhgënjen edhe në miqësoren përballë Bosnje Hercegovinës, pasi u mposht në “Elbasan Arena” me rezultatin e pastër 2-0. Kuqezinjtë e Alban Bushit kanë për të zhvilluar edhe dy ndeshje të tjera. Një paraqitje aspak e mirë nga 21-vjeçarët të cilët treguan shumë dobësi në prapavijë.
Boshnjakët kalojnë në avantazh që në minutën e 10’, pas një shthurjeje të mbrojtjes kuqezi, të cilët lënë në zbuluar Dujakoviç para Selmanit dhe ai nuk gabon por e dërgon në rrjetë. Shqipëria hidhet në sulm, por i mungon organizimi dhe nuk arrijnë të jetë të rrezikshëm para portës. Rastin më të mirë për të barazuar e kishte Hebaj, i cili godet mjaft bukur me kokë por topi përfundon në shtyllë.
Pjesa e dytë është pasqyrë e së parë, ku kuqezinjtë qarkullojnë topin por nuk arrijnë të shfaqen rrezikshëm tek portë. Vetëm gjashtë minuta para përfundimit të takimit sërish mbrojtja e përgjumur dhe aty përfiton Kuzmanoviç i cili shënon golin e nokautit.
Shpresat do të luajnë gjithashtu edhe dy takime të tjera miqësore, në datë 5 dhe 8 qershor, në Elbasan, ndaj të njëjtit kundërshtar, Bjellorusisë.
