Rruga për në Katar për kombëtaret europiane vazhdon sot me ndeshjet e treta kualifikuese të Kupës së Botës duke përfshirë, Belgjikën, Portugalinë dhe Hollandën.
Grupi A
Azerbaxhan- Serbi 18:00
Luxenburg- Portugali 20:45
Ronaldo u doli nga fusha i acaruar kur goli i tij i kohës shtesë nuk u quajtnga gjyqtari i ndeshjes. Serbia me 10 lojtarë ndali kampionët në fuqi të Evropës në një përplasje të mbushur me incidente në Beograd.
Barazimi 2-2 i mohoi Portugalisë një fillim perfekt në kualifikimin e Kupës Botërore dhe e mban Serbinë kryesuese në Grupin A për shkak të golave të shënuar para ndeshjeve të sotme përkatësisht kundër Luksemburgut dhe Azerbajxhanit.
Fitoret do të shihnin dy të parët të hapnin një epërsi prej shtatë pikësh në krye të tabelës, duke i dhënë fund shpresave të Azerbajxhanit dhe Republikës së Irlandës për t’u bashkuar me Katarin në 2022 dhe Luksemburgut gjithashtu.
Grupi E
Belgjikë- Bjellorusi
Uells – Çeki
Belgjika, ekipi i renditur i pari në botë, mbetet favorit për të zënë vendin e parë, por një fitore e Uellsit kundër Çekëve do të hapte grupin që përfshin gjithashtu Bjellorusinë dhe Estoninë.
Grupi G
Turqi- Letoni
Mali i Zi – Norvegji
Gjibraltar – Hollandë
Turqit e konfirmuan fitoren emocionuese 4-2 ndaj Hollandës në ndeshjen e parë me një fitore 3-0 në Norvegji me 10 lojtarë dhe presin Letoninë sot në mbrëmje duke ditur se tre pikë të tjera do t’i mbanin në majën e grupit që mund t’i dërgojë në finalet e Kupës së Botës, të parat për ta që nga viti 2002.
Holland e mori veten nga disfata në Turqi me një fitore ndaj Letonisë në ndeshjen e fundit, dhe një udhëtim në Gjibraltar, së bashku me Malin e Zi dhe Norvegjinë që luajnë përballë njëri-tjetrit, i ofron skuadrës së Frank de Boer mundësinë të vendoset në vendin e dytë si njekësi kryesor i Senol Gunesit.
Grupi H
Qipro- Slloveni
Kroaci- Maltë
Sllovaki – Rusi
Kroacia, finalliste e Kupës së Botës 2018, e filloi ngadalë rrugën për në Katar 2022, duke fituar një dhe duke humbur një nga dy ndeshjet e tyre të para, por nuk kanë humbur shumë terren dhe duhet të marrin më shumë vrull kur të presin Maltën sot në mbrëmje.
Rusia aktualisht është në avantazh pas fitoreve ndaj Maltës dhe Sllovenisë.
