Elton Pikli është një nga pesë të arrestuarit për grabitjen në Rinas, ndërsa tentonte të largohej drejt Bullgarisë.
Rezulton se 32-vjeçari nga Kruja, ka kandiduar në zgjedhjet lokale të vitit 2011 për këshillin bashkiak të qytetit, nën siglën e partisë “Aleanca Arbnore Kombëtare”, që drejtohet nga Gjet Ndoj.
Me zanat kasap, Pikili nuk arriti që të fitonte, pasi ishte i shtati në listën shumë emërore.
Nuk është sqaruar ende roli i Piklit në grabitjen e Rinasit, megjithatë dyshohet se ai ishte brenda fugonit.
Ndërkohë, Policia e Shtetit në njoftimin e shpërndarë për mediat theksonte sot se Pikli është arrestuar në kuadër të hetimeve për disa vepra penale që rëndojnë mbi të.
