Një ngjarje e rëndë ka ndodhur në një lokal nate në Meksikë, ku një i ri ka ekzekutuar pesë persona.
Sipas mediave ndërkombëtare, raportohet se personat që janë vrarë nga i riu, dyshohet të jenë anëtarë të një bande rivale.
Nga pamjet shihet edhe momenti kur autori i krimit, hyn brenda në lokal së bashku me një person tjetër dhe i afrohet një tavoline, ku më pas nxjerr armën për të qëlluar. Mësohet se nga të shtënat u plagosën edhe 6 klientë të lokalit.
Policia gjeti në vendngjarje rreth 25 gëzhoja, ndërsa arrestoi një person, për të cilin nuk ka dhënë detaje nëse bëhet fjalë për autorin.
