Një familje shqiptare përdorte shtëpinë e saj në Latina të Italisë si bazë shpërndarje e kokainës. Policia italiane zhvilloi një operacion blic në Velletri ku kanë përfunduar në pranga të tre shpërndarësit, pjesëtarë të një familje shqiptare, raporton ilmamilio.it.
Policia ka arrestuar dy burra, 41 dhe 19 vjeç si dhe një grua 37-vjeçare që nga apartamenti i tyre në zonën e Giulianello, furnizonin të rinjtë, përdorues droge jo vetëm të qytezës por edhe të zonave përreth.
Pas disa ditëve ndjekje, policët kanë kontrolluar banesën e familjes shqiptare ku u gjetën 50 gram kokainë, e ndarë në doza, material për paketimin, substancë përzierjeje, celularë enkas për shpërndarjen si dhe 350 euro cash.
Tre shqiptarët, të afërm mes tyre, burrë dhe grua si dhe nipi i tyre kanë përfunduar pas hekurave në pritje të procesit gjyqësor.
