Ministrja teknike e Arsimit dhe Sportit Mirela Karabina ka folur për punën e bërë në rreth dy muaj nga ministrat e rinj teknik në monitorimin e administratës publike për zgjedhjet e 25 qershorit. Ajo tha se kjo që ndodhi këtë herë ishte hera e parë që administrata ishte në punë. Administrata në MAS dhe në të gjitha institucionet vartëse. Karabina tha se ja dolën në vendosjen e një modeli të ri, një standardi të ri.
Ministrja Karabina e ka quajtur marrëveshjen Rama-Basha historike duke thënë se marrëveshja ishte pozitive për shtensionimin të situatës dhe për të krijuar ura bashkëpunimi. Ne jemi miratuar, dekretuar me kushtetutë me të drejta të plota.
Sa ja dolët mbanë?
Ne jemi në proces. ne erdhëm si produkt i kësaj marrëveshjeje. ne morëm një detyrë të vështirë, sepse ishim ministra të një institucioni përkatës por edhe një procesi të ri, monitorimit të administratës. Detyra jonë ishte që ne të ruanim institucionet, administratën.
A e arritët dot këtë gjë? E mbrojtët dot administratën?
Në detyrën që ne morëm, ishte ruajtja e administratës. Unë them që ne ja dolëm në vendosjen e një modeli të ri, një standardi të ri. Kjo që ndodhi këtë herë ishte hera e parë që administrata ishte në punë. Administrata në MAS dhe në të gjitha institucionet vartëse.
Në rast se punonjësit nuk paraqiteshin a penalizoheshin?
Në muajin maj ka dalë një urdhër i kryeministrit që i parapriu një vendimi të këshillit të ministrave për përcaktimet ligjore për mospërfshirjen apo monitorimit të veprimtarisë në procesin zgjedhor dhe në funksion të forcave politike. Ka qenë shumë e vështirë. Në këtë përballje ne ishim model teknik. Ne materializuam një marrëveshje historike.
Ju si ministre teknike e MAS, çfarë masash morët për ata që e shkelën?
Në daljen e VKM, punonjësit u njohën me sanksione. Ata u ndërgjegjësuan. Këtë arritëm, modeli dhe standardi që ne sollëm. Por kjo nuk do të thotë se nuk ka pasur shkelje. Në bazë të denoncimeve, kemi bërë përcjelljen në prokurori. I jemi drejtuar punonjësve që kishim denoncime, i kemi bërë një paralajmërim të drejtpërdrejtë dhe në media, që të ishin të njohur me këtë fakt. Në rastet kur sjellja përsëritej, në bazë të përcaktimeve ligjore, i kemi kallëzuar penalisht.
Sa është numri i këtyre njerëzve?
Në fakt ne kemi rreth 10 raste të cilët janë drejtës të shkollave dhe zyrave arsimore që i kemi çuar për kallëzim. Masa disiplinore ndaj 3 drejtuesve të MAS me masë pezullimi. Drejtues i lartë është nëpunësi më i lartë i administratës, Plarent Ndreca. Drejtori i Teknologjisë dhe Informacionit dhe një nëpunës i nivelit të lartë, është drejtues i shërbimeve mbështetëse.
Pretendimi i opozitës se përfshirja e administratës në zgjedhje e deformoi rezultatin …Si e komentoni?
Ne vendosëm një standard se institucionet në orarin zyrtar ishin në punë. Por kjo nuk do të thotë se s’ka pasur përdorim të administratës. Për aq raste sa marrim, mund të them se është përdorur administrata. Administrata në Ministrinë e Arsimit ka qenë penguese, e qëllimshme, apatike në moslejimin e monitorimit.
Si shpjegohet fakti që nuk është bërë mospërditësimi i faqes së MAS…
Kjo është një element pengues. Jemi duke bërë një raport të task-forcës për të gjithë problematikat që kanë ndodhur.
Ju keni kallëzuar drejtoreshën e IT në fushatë?
Ministrja e Arsimit nuk ka akses në faqen e MAS. Kemi kërkuar përgjigje, por çfarë përgjigje mund të ketë? Ministrja nuk ka akses as në kamera, as në servera dhe kjo më çon në dyshime se çfarë fshihet. Kam pasur nevojë të hap derën e IT, por dera është e mbyllur. Marrë me shkurtime nga intervista në emisionin “Njerëz në Fokus”
