Kapja e sasisë rekord të kokainës gjatë ditës së sotme në portin e Durrësit është përshëndetur edhe nga delegacioni i Bashkimit Evropian në Shqipëri.
Përmes një reagimi në Twitter, delegacioni i BE-së në Tiranë ka përgëzuar doganat dhe policinë shqiptare për kapjen e 613 kg kokainë me vlerë rreth 180 milionë euro.
Gjithashtu në reagimin e delegacionit shkruhet se “Kriminelët nuk mund të fitojnë përballë fuqisë së ligjit. Shteti ka nevojë të qëndrojë vigjilent dhe i fortë kundër grupeve të krimi të organizuar”.
“Përgëzime doganave dhe policisë për operacionin e suksesshëm të sekuestrimit të 614 kileve kokainë në Portin e Durrësit. Punë e paqme, vazhdoni përpara edhe më tej me luftën kundër krimit të organizuar. Kriminelët nuk mund të fitojnë ndaj fuqisë së ligjit. Shteti ka nevojë të qëndrojë vigjilent dhe i fortë kundër grupeve të krimit të organizuar që përpiqen ta rrisin trafikun e drogës”-thuhet në reagimin e delegacionit të BE-së në Tiranë.
