Arrestimi i Bledar Ibrahimit, i cili ishte shpallur në kërkim ndërkombëtar për pjesëmarrje në organizatë terroriste, ka sjellë reagimin e ministrit të Brendshëm të Italisë, Matteo Salvini.
Përmes një postimi në llogarinë e tij në “Facebook”, Salvini ka shprehur vlerësimi për arrestimin e Ibrahimit, duke falenderuar autoritetet shqiptare.
Bledar Ibrahimi është deportuar më parë nga Italia si person i rrezikshëm për rendin dhe sigurinë publike në Itali, pasi dyshohet të jetë i përfshirë me organizata terroriste në Itali dhe Egjipt.
Postimi i plotë në Facebook:
Bledar Ibrahimi 28 vjeç u arrestua në Shqipëri, pasi kërkohej për terrorizëm ndërkombëtar.
Në shtëpinë e tij në Milano janë gjetur pajisje kompjuterike, gjurmë të kontakteve me fundamentalistët islamikë dhe dokumente e video që lavdëronin xhihadin islamik.
Hetuesit dhe policia jonë ka bërë një punë të shkëlqyer. Gjithashtu falënderoj policinë e Tiranës për punën mjaft të mirë. Asnjë lëshim ndaj kriminelëve dhe fanatikëve të cilët na sjellin luftë në shtëpinë tonë.
