Ambasada e Francës në Prishtinë ka reaguar lidhur me raportimin e Kohës Ditore për “bllokun” ndaj presidentin e Kosovës, Hashim Thaçi.
Ambasada sqaron se ka kontakte të rregullta me të gjithë liderët politikë dhe institucional në Kosovë dhe se nuk e bllokojnë komunikimin me asnjërin prej tyre.
“Ambasada e Francës ka kontakte të rregullta me të gjithë liderët politik dhe institucional dhe nuk “bllokon komunikimin” me asnjërin prej tyre”, thuhet në reagim.
Koha Ditore raportoi sot se pas publikimit të aktakuzës së Speciale, misionet e huaja në vend, përfshirë atë të Britanisë së Madhe e Francës, kanë bllokuar komunikimin me presidentin e vendit, Hashim Thaçin.
