Detaje të reja tronditëse kanë dalë në dritë, lidhur me masakrën që ndodhi në një familje në Greqi, ku grabitësit mbytën Caroline Crouch, nënë e një fëmije të vogël.
Caroline ishte në gjumë së bashku me vajzën 11 muajshe dhe bashkëshortin, kur hajdutët hynë në shtëpi rreth orës 4:30 të mëngjesit. Katër persona të cilët shkuan për të grabitur një shtëpi në Greqi, përfunduan duke vrarë një 20-vjeçare, qenin, dhe torturuar bashkëshortin e saj Babis Anagnostopolous .
E reja u gjet e vrarë në papafingo të shtëpisë, pranë krevatit të fëmijës së saj 11 muajsh, ndërsa burri i saj 32 vjeç ishte i lidhur në një karrige në dhomën e gjumit. Kjo ngjarje e rëndë me gjasa mund të zbardhet shumë shpejt, ndërsa është kapur një nga anëtarët e grupit, të cilët plaçkitën banesën e çiftit të ri.
Arrestimi i 35-vjeçarit gjeorgjian një ditë më parë, teksa po tentonte të largohej nga vendi, pritet të çojë në zbardhjen e vrasjes së Caroline-s në prani të foshnjes së saj një javë më parë. Mediat greke shkruajnë se arrestimi i tre personave të përfshirë në grabitjen tragjike në Glyka Nera të Athinës, duket të jetë çështje orësh.
Autorët e kishin menduar deri në detaj skemën e grabitjes, dhe se posedonin informacione se sa lekë ndodheshin në banesë. Grabitësit u arratisën me 10 mijë euro nga shtëpia, ndërsa mësohet se ata kishin informacion se në banesën që kishin piketuar për të grabitur ndosheshin 100 000 euro, pasi çifti kishte shitur një tokë pak ditë më parë. Por atyre u shpëtoi një detaj me mjaft rëndësi, se paratë e kërkuara nuk ndodheshin në shtëpi, por diku tjetër.
Pasi lidhën 32-vjeçarin, ata mbytën Caroline Crouch me duar. Policia ka konfirmuar një të arrestuar që dyshohet se ka lidhje me këtë ngjarje. Hetuesit që po merren me vrasjen, thonë se kanë arrestuar një gjeorgjian pranë kufirit me Bullgarinë. I dyshuari po udhëtonte me makinën e tij, kur u ndalua nga një kontroll rutinë policie që zbuloi se ai kishte pasaportë të rreme. Bashkëshorti i viktimës ka ndihmuar policinë me detajet. Ai ka thënë se hajdutët mbanin një pistoletë tip Colt ngjyrë argjendi dhe një pistoletë tjerë të zezë.
Sipas policisë, këto armë janë të pazakonta për t’u gjetur në Greqi, dhe besohet se gjurmimi i tyre mund të jetë thelbësore për të identifikuar vrasësit e Caroline-s. Babis ka parë ndër të tjera edhe autorët. Këtë të hënë atij do t’i shfaqen fotot e 30 të dyshuarve që mund të jenë përfshirë në këtë ngjarje. Grabitësit, për të humbur gjurmët, kanë thyer një kamerë sigurie. Më vonë kanë hequr siguresat nga dritarja e bodrumit dhe më tej janë ngjitur në ndërtesë.
View this post on Instagram
View this post on Instagram
