Kandidati për kryeprokuror, Artur Selmani tha sot se politikanët shpesh bëjnë presion ndaj prokurorëve. Gjatë fjalës së tij para deputetëve në Komisionin e Ligjeve, Selami ka thumbuar deputetët e Partisë Socialiste që bëjnë pjesë në këtë komisionin.
“Ju politikanët bëni shpesh presion ndaj prokurorëve”, tha Selami.
Selmani që vjen nga radhët e Prokurorisë së Përgjithshme, ka shpalosur sot platformën e tij për këtë post. Ai foli për karrierën e tij të gjatë në sistemin e drejtësisë, si dhe për avantazhet që ka për t’u zgjedhur në postin e kryeprokurorit të përkohshëm.
Selmani rezulton të ketë hetuar për disa muaj me radhë sherret në Kuvendin e Shqipërisë, të cilat janë si kallëzimin e Partisë Demokratike për deputetin Amarildo Prenga dhe më pas deputetët Arben Ndoka dhe Pjerin Ndreu.Personi që rezulton më i dëmtuari ka qenë deputeti demokrat, Strazimiri, i cili gjatë kësaj kohe është thirrur disa herë në prokurori, ku fillimisht ka shfajësuar Amarildo Prengën dhe më vonë ka akuzuar Ndokën e Ndreun,në sherrin e ndodhur në hollin e Parlamentit të Shqipërisë.
Në vitin 2014, sapo ka përfunduar hetimet për deputetët e Partisë Socialiste, Pjerin Ndreu dhe Arben Ndoka, i cili rezulton të jetë një nga prokurorët më jëtëgjatë në zyrën e Prokurorit të Përgjithshëm ka marrë një ndëshkim, duke e ulur në detyrë. Ai tashmë do të komadohej si prokuror i thjeshtë pranë Prokurorisë së Tiranës. Ky është urdhri i Kryeprokurorit, Adriatik Llallës.
Në të kaluarën e tij, Selamani ka punuar si drejtor i studimeve në organet e akuzës qendrore, ndërsa në të shumtën e herëve ka përfaqësuar akuzën në disa nga çështjet me nje rëndësi të madhe në Gjykatën e Lartë. Gjithashtu Artur Selmani, njihet si një nga personat që ka ngritur akuza ndaj politikanëve dhe është marrë me akuza referuar ministrave dhe deputetëve të ndyshëm, qofshin të rënda apo të lehta.
Prokurori Selmani ka ushtruar një sërë detyrash dhe njëherësh është njohës i mirë i proceseve gjyqësore të cilat janë zhvilluar pranë Gjykatës së Lartë. Por m pjesë të konfliktit të tij me Llallën nuk mbarojnë me kaq, por nisin dhe vijojnë me tej. Në Shkurt të vitit 2017, Llalla ka pezulluar nga detyra prokurorin e Prokurorisë së Përgjithshme, Artur Selmanin.
“Prokurori i Përgjithshëm, Adriatik Llalla pezulloi nga detyra shefen e Drejtorisë Gjyqësore, Alma Muça dhe prokurorin Artur Selmani, për shkak të qëndrimit të dyshimtë që është mbajtur në Gjykatën e Lartë, ku po shqyrtohet rekursi për vrasjen e tre të rinjve gjatë një konflikti të armatosur në lagjen Çole të Vlorës, në prill të vitit 2015.Kryeprokurori urdhëroi nisjen e hetimit ndaj zyrtares dhe prokurorit për veprat penale të “korrupsionit pasiv” dhe “shpërdorimit të detyrës”, me qëllim për të zbuluar shkaqet e këtij qëndrimi. Një prej të pandehurve, Aleksandër Llanaj është dënuar me burgim të përjetshëm, ndërsa Berti Alliaj dhe Ani Begaj me 35 vjet burg“-shpjegon njoftimi.
“Por, gjatë shqyrtimit të rekursit të kërkuar nga pala mbrojtëse në Gjykatën e Lartë, prokurori i çështjes, Artur Selmani, jo vetëm që nuk ka mbështetur qëndrimet e mëparshme të prokurorisë, por ai ka kërkuar pushimin e akuzave shumë të rënda” njofton prokuroria.Në procesin e shqyrtimit të rekursit, i kërkuar nga pala mbrojtëse në Gjykatën e Lartë, prokurori i çështjes, Selmani nuk ka mbështetur qëndrimet e kaluara të Prokurorisë, por ka kërkuar pushimin e akuzave shumë të rëndë”-thuhet në njoftimin e Prokurorisë.
