Kandidati për kryeministër në Britaninë e Madhe, Michael Gove ka rrëfyer se ka qenë konsumator kokaine.
Gove, gjatë një interviste tregoi se 20 vjet më parë, në kohën kur ushtronte profesionin e gazetarit, ka qenë përdorues kokaine, teksa theksoi se është penduar.
Ministri i mjedisit kërkon që gabimi i së shkuarës të mos pengojë garën e tij për drejtimin e qeverisë dhe Partisë Konservatore.
Teksa kërkonte falje, kandidati për kryeministër theksoi se ndihej keq për gabimin e bërë. “Më vjen keq për gabimin që kam bërë. Ishte një krim, ishte një gabim.”
