Kandidati për deputet nga lista e Partisë Demokratike, Luan Haka ka treguar mënyrën sesi u mor informacioni për makinën që shpërndante para në këmbim të votës në Maqellarë të Dibrës.
Sipas Hakës, dy punonjësit e Bashkisë së Bulqizës, ishin menaxherët e fushatës për kandidatin socialist, Milaim Damzit, dhe ishin vendosur në ndjekje të tyre që prej ditës së djeshme.
Haka u shpreh se brenda në automjet janë gjetur 5 milionë lekë, që sipas tij, do të shpërndaheshin për blerje votash.
“Kishim informacion se kush shpërndan lekë. Para këtij momenti kemi qenë në Kompçisht, atje po shpërndaheshin para. Dhe pastaj morëm njoftimin për këtu. U gjetëm 5 milionë lekë dhe listat për zonat e tyre. Kjo është zona e Milaimit (Damzi). Zonë tjetër ka Dionisi, secili kandidat ka menaxherin e vetë. Këta janë specialista. Mendojnë se do të mashtrojnë popullin e Maqellarës. Bëjnë lista për ndihmë ekonomike. 24 orë jemi këtu, pa gjumë fare. Mbrëmë kemi pasur probleme në Luzni. Po të njëjtët persona u vetëm në shtëpi. Nuk ka tolerime. Jemi jetë a vdekje këtu. Do fitojnë me votë, le të fitojnë po jo kështu. Nuk na poshtërojnë me lekë,”-tha ai.
