Presidenti turk Recep Tayyip Erdogan, do të diskutojë luftën në Ukrainë me kancelarin gjerman Olaf Scholz në bisedimet në Ankara të hënën, tha zyra e tij.
Këto bisedime vijnë në një kohë ndërsa të dy vendet vazhdojnë me përpjekjet për të siguruar një armëpushim, 19 ditë pas pushtimit të Rusisë, raportoi Reuters.
Anëtari i NATO-s, Turqia ndan një kufi detar me Ukrainën dhe Rusinë në Detin e Zi dhe ka lidhje të mira me të dyja. Ajo ka thënë se pushtimi është i papranueshëm dhe ka shprehur mbështetje për Ukrainën, por ka kundërshtuar gjithashtu sanksionet ndaj Moskës, ndërsa ka ofruar të ndërmjetësojë.
Ukraina tha të dielën se po punonte me Turqinë dhe Izraelin si ndërmjetës, për të vendosur një vend dhe kornizë për bisedimet me Rusinë, pasi Turqia priti ministrat e jashtëm të vendeve ndërluftuese për bisedimet e para të nivelit të lartë javën e kaluar.
Vizita e së hënës do të shënojë udhëtimin e parë të Scholz në Turqi, që nga marrja e detyrës në dhjetor 2021 dhe vjen mes përpjekjeve të Gjermanisë për t’u angazhuar me presidentin rus Vladimir Putin për t’i dhënë fund pushtimit të Moskës. Gjermania dhe Franca kanë marrë role udhëheqëse brenda Bashkimit Evropian, për t’i dhënë fund luftës.
Burimi i lajmit: The Guardian. Përshtatur nga Tirana Today
