Ishin kthyer në furnizues të kanabisit në qytet, vihet në pranga një 60-vjeçar dhe shpallet në kërkim i biri. Policia e Fierit ka bërë të ditur të shtunën se, ishte vënë në pranga Petrit Hykaj, pasi në banesën e tij ishin gjetur dhe sekuestruar 2.2 kilogramë kanabis gati për shitje, një peshore elektronike dhe një armë gjahu pa leje. Sipas të njëjtit njoftim, është shpallur në kërkim djali i tij, 29 vjeçari Shkëlqim Hykaj, i cili nuk ndodhej në banesë në momentin që u ushtrua kontrolli nga policia. Sipas policixë bëhet e ditur se, babë e bir ishin nën një hetim disa mujor, pas të dhënave operative se, ishin kthyer në furnizues të tregut me kanabis.
Deklarata e policisë së Fierit:
Sekuestrohet lëndë narkotike cannabis sativa dhe një armë gjahu pa leje, bie në pranga një shtetas, shpallet në kërkim një tjetër. Në vijim të punës për parandalimin dhe ndëshkimin e veprimtarisë kriminale në fushën e narkotikëve, nga Komisariati i Policisë Fier, në bashkëpunim me Prokurorinë e Fierit, pas një hetimi disa mujor, u bë arrestimi në flagrancë i shtetasit P. H., 60 vjeç dhe u shpall në kërkim shtetasi Sh. H., 29 vjeç, banues në Gorishovë, Fier. Gjatë kontrollit të ushtruar në banesën e këtyre shtetasve, u gjet dhe u sekuestrua në cilësinë e provës materiale 2.2 Kg lëndë narkotike e dyshuar cannabis sativa, e përgatitur gati për shitje, një peshore elektronike dhe një armë gjahu pa leje.
Vijon puna për identifikimin dhe kapjen e personave të tjerë të përfshirë në këtë veprimtari kriminale. Materialet procedurale i kaluan Prokurorisë pranë Gjykatës së Shkallës së Parë Fier, për veprime të mëtejshme.
