Vrasësi i Caroline ka rrëfyer gjithçka i penduar, duke nënvizuar i vetëdijshëm se kishte shkatërruar veten dhe familjen. Një ditë më parë, gjykata vendosi ta lërë në qeli pilotin 32-vjeçar Babis Anagnostopulos, ndërsa e transferuan në burgun e famshëm Korydallos. Në dëshminë e tij maratonë, Babis ka hedhur poshtë akuzën për “vrasje me paramendim”. Ndër të tjera, ai ka treguar se si është njohur me bashkëshorten e tij dhe si përfundoi në realizimin e krimit.
“Më vjen keq për atë që bëra. Shkatërrova jetën time dhe familjen. Unë jam plotësisht i vetëdijshëm se falja është një fjalë shumë e vogël, dhe në asnjë rast nuk është e mjaftueshme për të lehtësuar dhimbjen që i kam shkaktuar. Njohja ime me Caroline filloi në verën e vitit 2017 në Alonissos, ku nëna ime u emërua si mësuese atje. Unë jetoja në ishull nga mosha 10 deri në 14 vjeç, ku blemë një shtëpi si rezidencë verore, në atë kohë vizitoja shpesh ishullin. Caroline erdhi përgjithmonë në ishull, ku ishte nxënëse. Kam punuar si pilot helikopteri në një kompani private, dhe për këtë arsye kam vizituar ishullin mjaft shpesh me helikopter, por edhe në ndonjë mënyrë tjetër për ta parë atë. Ne vendosëm të martoheshim në shtator 2018, dhe dasma u bë më 15 korrik 2019, në përvjetorin e njohjes sonë. Zgjodhëm shtëpinë tonë në Glyka Nera në prill 2019, para dasmës sonë dhe filluam të jetonim atje në qershor”.
Ai ka deklaruar në gjykatë se sjellja e së ndjerës kishte ndryshuar, pasi kishte abortuar. Sipas tij, nga ai moment, Caroline kishte patur shpërthime agresive ndaj tij. Ndodhur në këto kushte, piloti 32-vjeçar kishte menduar që bashkëshortja të shkonte tek një psikolog.
“Caroline mbeti shtatzënë disa javë pasi u martuam. Ideja e këtij fëmije do të kompletonte familjen dhe lumturinë tonë. Fatkeqësisht, kut ishte tre muajsh shtatzënë, Caroline abortoi dhe që nga ajo kohë sjellja e saj po ndryshonte gradualisht. Në vjeshtën e të njëjtit vit, ajo mbeti shtatzënë për herë të dytë në Lydian tonë. Ndërsa çdo prind ndjen dashuri për fëmijën e tij, kështu që Lydia dhe unë, sidomos pas problemeve të saj shëndetësore, është personi më i rëndësishëm në botë dhe dashuria që unë ndiej për të nuk mund të përshkruhet me fjalë. Siç e përmenda më lart, katalizatori për ndryshimin në sjelljen e Caroline ishte humbja e femijës tonë të parë. Nga ai moment, ajo filloi kishte shpërthime agresive ndaj meje. Për të menaxhuar këtë situatë, unë vendosa që të shkonte tek një psikolog. Në fillim pranoi, por më pas gjente justifikime dhe nuk shkoi më”.
Në mediat greke thuhej se vrasësi kishte planifikuar të arratisej, por këto zëra ai i ka hedhur poshtë. I akuzuari shton më tej se nuk ka planifikuar për asnjë moment arratisjen e tij. “Unë nuk kam ndërmarrë ndonjë veprim përgatitor për arratisjen time, por përkundrazi, sa herë që jam thirrur nga autoritetet, paraqitesha vullnetarisht dhe menjëherë pa krijuar problemin më të vogël ose duke penguar procedimin penal”.
Piloti 32-vjeçar, pasi mbyti bashkëshorten e tij Caroline, kamufloi vrasjen me një skenar dhe pas 47 ditësh zbuloi të vërtetën e asaj nate tragjike.
Një nga avokatët u tërhoq
Një prej avokatëve hoqi dorë nga çështja, duke e lënë kështu ‘në baltë’ Babis Anagnostopulos. Avokati Vasilis Spiru, tha se dëshiron të dorëhiqet nga kjo çështje, për arsye personale. Në gjykatë, Anagnostopulos e ka pritur një ‘lumë’ me njerëz të cilët me parullën ‘të kalbesh në burg’ kërkojnë të vihet drejtësi dhe të prihet në paqe shpirti i Carolines.
Tashmë fokusi është tek kujdestaria e vajzës së vogël, që ka qenë deri në fund pranë nënës së saj, Caroline, që u mbyt nga duart e burrit. “Më mori vajzën, nëse më merr edhe mbesën, do të jetë ‘goditja’ përfundimtare”, këto ishin fjalët e nënës së Carolines, e cila humbi jetën nga duart e bashkëshortit të saj.
