E shtunë, 24 Korrik, 2021
19.5 C
Tirana

Euro 2020/ Mbape-Ronaldo, 21:00, Gjermaninë e kualifikon dhe një barazim

21:00: Gjermani – Hungari (Grupi F, Mynih)

Mungesa e Thomas Müller me një problem në gju është një goditje për gjermanët, por Leon Goretzka është kthyer në formën e tij më të mirë dhe përpos tij ka dhe shumë sulmues të tjerë të etur për të lënë përshtypje. Gjermania ia ka dalë vetëm tre herë të mbajë rrjetën e paprekur në 16 ndeshjet e fundit dhe përtej objektivit të parë që është fitorja, dhe Gjermania nuk luan kurrë për më pak se kaq, një barazim do t’i siguronte gjithashtu kalimin e grupit.

Hungaria do të jetë e cunguar nga turma e tifozëve vendas që i ndihmoi ata të nxirrnin një barazim me kampionin e botës Francën herën e fundit, por mund të luajnë pa presion në Mynih për fitoren që u nevojitet.

Këto skuadra nuk janë takuar kurrë në finalet e një europiani, dhe kjo është gjithashtu ndeshja e tyre e parë zyrtare që nga finalet e Kupës së Botës 1954.

Joahim Lëv: “Ne patëm një ritëm të shkëlqyer dhe arritëm ta merrnim mirë topin kundër Portugalisë. Ndeshja tjetër do të jetë më e vështirë nëse Hungaria mbrohet me tetë ose nëntë lojtarë dhe përpiqet të godasë në kundërsulm. Ata kanë treguar se sa të rrezikshëm mund të jenë. Shpresoj të jenë. Që ne të luajmë akoma me ritmin e lartë (që patëm kundër Portugalise), edhe nëse hapësirat do të jenë të ngushta, në të njëjtën kohë të gjejmë një rrugë të mesme. Do të na duhet të jemi të duruar”

Gjermania: Neuer; Ginter, Hummels, Rüdiger; Kimmich, Gündoğan, Kroos, Gosens; Sané, Gnabry, Havertz

Hungaria: Gulácsi; Botka, Orbán, At. Szalai; Négo, Kleinheisler, Ádám Nagy, Schafer, Fiola; Ád. Szalai, Sallai.

21:00: Portugali – Francë (Grupi F, Budapest)

Bëhuni gati për një përsëritje të finales së EURO 2016-ës. Këtu ka shumë të panjohura, por mos u gaboni: Portugalia, kampionë në fuqi, do të provojë forcën e saj pas një humbjeje 4-2 ndaj Gjermanisë. Një njeri që nuk ka asgjë më shumë për të provuar është Cristiano Ronaldo, edhe pse 36-vjeçari nuk ka shënuar kurrë kundër Francës. Ai tani është vetëm dy gola larg nga rekordi ndërkombëtar i të gjitha kohërave i Ali Daei me 109 gola në kombëtare (India), kështu që do të ishte koha për t’i dhënë fund thatësirës.

“Bleus” janë të kualifikuar, por mos prisni që ata të heqin këmbën nga gazi. Jules Koundé, Lucas Hernández dhe Corentin Tolisso mund të bashkohen të gjithë me ekipin e Didier Deschamps ndërsa përpiqen të rimarrin vrullin e humbur pas barazimit 1-1 me Hungarinë.

Franca është e pamposhtur në 12 nga 13 ndeshjet e fundit kundër Portugalisë; e meta e vetme në këtë rekord është humbja në finalen e EURO 2016.

Formacionet e mundshme:

Portugalia: Rui Patrício; Nélson Semedo, Rúben Dias, Pepe, Guerreiro; Danilo, Renato Sanches, Bruno Fernandes; Bernardo Silva, Ronaldo, Diogo Jota

Franca: Lloris; Koundé, Varane, Kimpembe, Hernández; Pogba, Kanté, Tolisso; Griezmann, Benzema, Mbappé

Tirana Today

- Reklama -

Më shumë nga kategoria




Të fundit

Shembet ura në Siberi, bllokohet hekurudha më e gjatë në botë

Vërshimet si pasojë e reshjeve të furishme në Siberi kanë çuar në shembjen e një urë, duke e shkëputur hekurudhën siberiane, më e gjata...

Kina vendos sanksione ndaj shtatë shtetasve amerikanë

Kina njoftoi të premten se po vendos sanksione ndaj disa shtetasve amerikanë në përgjigje të sanksionimit nga ana e Shteteve të Bashkuara të shtatë...

KPK, pikëpyetje për pasurinë dhe profesionalizmin e prokurores Daniela Sulaj

Prokurorja Daniela Sulaj, e komanduar si inspektore pranë Inspektoriatit të Lartë të Drejtësisë, u përball të premten më 23 korrik me Komisionin e Pavarur...

Gjykata i refuzon kërkesën për liri, Hashim Thaçi mbetet në paraburgim

Gjykata Speciale e Hagës ka marrë vendim që t’i refuzohet kërkesa ish-presidentit të Kosovës, Hashim Thaçit, që ky i fundit të mbrohet në liri. Edhe...

Koronavirusi, Manastirliu tregon numrin e të vaksinuarve në 24 orët e fundit

Ministrja e Shëndetësisë dhe Mbrojtjes Sociale, Ogerta Manastirliu ka publikuar shifrat e të vaksinuarve kundër koronavirusit në vend. Manastirliu bën me dije, se mbi 13...