Të tjera detaje janë bërë të ditura lidhur me vrasjen e avokatit grek nga shqiptari i identifikuar si Aleksandro, Aleksandros apo Eno, me mbiemrin Mata, i lindur në Shqipëri, më 14 janar 1987.
Ai ka pranuar autorësinë e së avokatit, ndërsa ka theksuar se është porositur dhe paguar në vlerën e 3000 eurove për këtë vrasje.
Por, nga ana tjetër janë zbardhur dhe bisedat e tij lidhur me vrasjen, shkruan kathimerini.gr.
“Unë dua që të dërgoj fëmijët në Shqipëri. Kufijtë për mua janë të mbyllur dhe nuk mund të largohem tani që kam vrarë. Pres që të qetësohet situata. Do të qëndroj këtu për një muaj. Ju nuk do të më dërgoni mesazhe, as asgjë”, shkruan në një mesazh shqiptari.
Ky mesazh, është dërguar 11 ditë pas vrasjes së 52-vjeçarit avokatit grek, i cili u vra nga shqiptari në bashkëpunim me një tjetër bashkatdhetar. Ai qëlloi në gjoks avokatin Michael Zapheiropoulos, duke e lënë të vdekur.
Oficerët e policisë arritën që të gjenin gjurmët e gishteve të kriminelit shqiptarë, pranë vendit të ngjarjes. Më pas 32 vjeçari ishte kapur dhe burgosur në Cassandra, nga ku ai u arratis në fillim të shtatorit, duke shkelur një licencë të rregullt. Pas zbulimit të gjurmës në vendin e ngjarjes, policia bëri të identifikon dhe hapat e largimit të tij në zonën Riganokampos, jashtë Patras. Menjëherë, pas këtyre të dhënave ai ngriti një forcë të posaçme.
Në mëngjesin e 28 tetor ai u ndal bashkë me dy persona të tjerë në një makinë “Audi”. Shqiptari gjatë marrjes në pyetje kishte pranuar për vrasjen Zafiropoulos.
Në dëshminë e hetimeve paraprake të policisë, i pandehuri tha se bashkë me bashkëpunëtorin i tij kishte marrë nga një vajzë e panjohur që e kishte takuar në Peristeri 3,000 euro për të kërcënuar avokatin. Ai e përshkroi atë si një grua ” me shtat të shkurtër, me flokët të verdhë, pak e shëndoshë, 27 deri në 28 vjeç.” Ai tha se i kishte dorëzuar paratë duke i thënë: “Merr këto para, ju e dini shumë mirë se çfarë do të bëni.” Gjithashtu zbuloi se urdhri për ta “goditur”, e kishte marrë nga Olti Dulce, një nga të akuzuarit si nxitës i vrasjes. TIRANA TODAY
