E indinjuar dhe me lot në sy prokurorja e Apelit në Shkodër, Besa Nikëhasani e cila u shkarkuar sot nga KPK, deklaroi se do ta ndiqte deri në fund këtë punë .
Ajo nuk e pranon vendimin dhe gjithashtu mohoi akuzat se nuk ka deklaruar dhe fshehur pasurinë.
“Se kam shkelur kurrë në jetën time detyrën. Jam e pastër”, -shtoi ndër të tjera prokurorja tashmë e pushuar, e cila u prek shumë në fund të prononcimit të saj për mediat, madje edhe qau.
“Që të 2004 kam deklaruar shtëpinë e pa hipotekuar në Lezhë, të gjithë këtë adresë e kanë të gjithë, edhe ILDKP. Edhe 10 hektarët e tokës së burrit pse nuk i shihni?! Me shku tek Zoti dhe në hënë, jam e pakorruptuar. Më gjeni një dosje që kam shkelur dhe … Do e apeloj këtë vendim. Duhet të merret edhe pastërtia e figurës dhe ana profesionale parasysh. Se kam shkelur kurrë ligjin. Shkoj çdo ditë nga Tirana në Shkodër. Po ashtu rrija në Tiranë si gjithë të tjerët. Si të shkoj unë në punë sot? Jam shkarkuar. Se kam shkelur kurrë në jetën time detyrën. Jam e pastër. Kam pasur vetëm 1 vit, 43 vrasje kur ka qenë kryeprokurorja Ina Rama. Ça të them unë?! I jam përkushtuar detyrës. Duke lënë mënjanë fëmijët e mi. Më kanë vënë tritol tek shtëpia, tek makina. Kam ikur nga ajo shtëpia se më është trembur djali. S’më ka mbrojtur njeri. Këta thonë; që ke furositradë, po me ça të shkoj në Shkodër? Me Golf 2-sh do shkoj? Të më hedhin në kanal.’, tha prokurorja.
