Ish-deputeti i PD, Edi Paloka, ka lëshuar një deklaratë të fortë mbrëmjen e sotme në emisionin “Tempora” në TV Ora. Paloka tha se kryeministri Rama tashmë po u kthen favoret kriminelëve, të cilët e kanë ndihmuar në zgjedhje.
Ai madje foli edhe me prova konkrete. Sipas tij, Rama vepron me dy mënyra. Paloka zbardhi skemën në të cilën aplikon kryeministri, ku në fillim i merr vetë në telefon kapobandat. Nëse nuk arrin qëllimin e tij, më tej u bën presion.
“Rama u ka kërkuar favore në zgjedhje kriminelëve, tani është i detyruar tu kthejë favoret. Si do ua kthej favoret? Unë kam prova konkrete.
Rama vepron me dy mënyra, edhe ai vetë; kryeministri i vendit i merr në telefon vetë këta kapobandat për t’i joshur. Dhe kur nuk arrin me mënyra të tjera, u bën edhe presion. Me këta që kanë probleme, por që nuk i janë bindur, i kanë futur në burg dhe mbas një muaji i ka shkuar dikush dhe i ka thënë do të nxjerrim nga burgu. Por kur të dalësh nesër, duhet të punosh për këta. Kryeministri ka hyrë deri te federata. Ka thënë ndikoni të fitojë zgjedhjet Bashkim Fino”.
