Amarda Toska, teksa ishte e ftuar në emisionin “Ëndërrtjerrësit” në Top Channel, pohoi se nuk e kishte menduar ndonjëherë se do t’i jepej mundësia për të qenë prezantuese. Amarda tha se ka pasur edhe një lloj presioni, duke qenë se ajo vinte nga shkolla e baletit.
Ami deklaroi ndër të tjera se ishte një peshë e madhe të mbaje atë pozicion. Në atë periudhë kishte eksperienca sporadike, fare të pashpërfillshme për të mbajtur emrin e “Portokalli”-së.
“Gati, gati e pabesueshme. Kur m’u propozuar dhe kur kam shkuar për audicion, realisht nuk e mendoja. Ishte një gjë që m’u tha edhe nuk e besoja që do më jepej mundësia që ta bëja.
Edhe kam shkuar disi pa emocione, sepse e dija që nuk do ishte gjëja ime në fund të fundit. Pastaj kur më thirrën për herë të dytë, ka diçka që do më çoj më tej. Mirëpo nuk e besoja deri në momentin kur ishte audicioni final.
Aty kam pasur edhe një lloj presioni. Ishte emër i madh, peshë e madhe të mbaje atë pozicion. Unë vija nga baleti, kisha eksperienca sporadike, fare të pashpërfillshme për të mbajtur emrin e “Portokalli”-së, u shpreh Ami.
