Kryeministri Edi Rama është shfaqur mjaft nervoz dhe i prekur, teksa ka folur për akuzat e Berishës ndaj tij. I ftuar në emisionin “Studio e Hapur”, Rama kujtoi akuzat e Berishës mbi atësinë e djalit të tij të madh Gregut dhe tha se e kishte gjetur të birin poshtë krevatit të tmerruar e nuk pranonte të dilte që atje.
Madje, Rama u përlot teksa kujtonte këto momente të vështira, ndërsa i është dashur të pijë ujë pas rrëfimit të ndjerë për atë që kishte kaluar familja e tij që të rinisë të flasë për politikën.
“Ne do ta luftojmë krimin dhe drogën, me gjithë shqetësimet që iu shkaktohen familjarëve tanë dhe shqiptarëve të ndershëm me këto maskarada”, tha Rama.
Vasili: Kur thoni familjarët çfarë keni parasysh?
Rama: Kam parasysh djalin tim, që ishte fëmijë kur për herë të parë dola në fushatë elektorale dhe tha ky (Berisha në ekran) që është bërë dixhital sot, mori mikrofonin dhe tha: ‘E dini kë keni kandidat për kryetar bashkie? Atë që ka akuzuar gruan se e ka djalin me babanë e vet. Jam unë që e kam parë djalin tim të tmerruar, që nuk dilte nga poshtë krevatit i tmerruar. E kam parë gjithë familjen time të tmerruar. Dhe janë historira që më kanë ndjekur gjithë jetën. Drogë, drogë, overdozë, overdozë, drogaxhi, hajdut, kriminel, pastron paratë, pederast. Ca janë këto? Janë të gjitha mbi lëkurën time. Prandaj rri në këtë punë dhe do t’i shkoj deri në fund kësaj pune, sepse unë e dua Shqipërinë. Unë nuk i ndahem këtyre deri sa njerëzit të më besojnë.
Vasili: E keni biseduar me Gregun më pas?
Rama: S’kam pasur kohë sepse kanë vazhduar të tjera, e të tjera. Thjesht janë vetëm sakrifica dhe as nuk i qahem njeri dhe s’ia kërkoj njeriu. Po ju them pse jam unë këtu. Është e pamundur që ky vend të bëhet normal. Mos ki frikë, shife se ai të do ty (I drejtohet Eni Vasilit që moderatorja të shihte foton e Berishës në sfond).
Vasili: Edhe juve ju do…
Rama: E di e di.
Vasili: Doja të dija nëse po bëni përpjekje për të ruajtur Zahon Rama: Ç’hyn Zaho këtu? Lëre atë se i del gogoli pastaj.
