Këngëtarja e njohur Albërije Hadërgjonaj e ftuar në “E Diell” ka folur për paragjykimet që ka dëgjuar nga të tjerët për veten.
Ndër të tjera, ajo tregon se komentet paragjykuese e motivojnë për të punuar më shumë, megjithatë shton se negativiteti që përcillet nuk i shërben pozitivisht asnjërit prej palëve.
“Ata njerëz që rrinë dhe komentojnë se kam një politikan, një biznesmen, jam imorale, pse i kam bërë operacionet apo si flas ashtu në TV, duhet të kuptojnë që secili në jetë duhet të bëjë atë që ndjehet mirë dhe të jetë i lumtur me atë që bën”, rrëfeu Albërija.
“Unë në jetën time s`kam ecur falë krahëve të askujt, përveçse zërit tim që ma ka dhuruar Zoti si diamant dhe që e kam vënë në punë duke mbajtur shumë njerëz. Nuk pushoj kurrë së punuari, jam tërë kohës në udhëtim”, tha Hadërgjonaj.
