Këngëtarja e njohur shqiptare, Rozana Radi publikoi ditën e djeshme një status, në të cilën shkruante me doza humori se fqinja e saj është ndarë nga i dashuri, e për rrjedhojë çdo ditë dëgjon këngë melankolike.
“Kam një komshie ngjitur me derën time që është ndarë nga i dashuri dhe çdo ditë dëgjoj me zë shumë të lartë muzikën më të trishtë në botë! Aq shumë na ka mërzit me këto këngë të dhimbshme sa ka fillu m’i i mungu të gjithë komshinjve i dashuri i kësaj”, shkruan Rozana.
Mirëpo, këtë status nuk e kanë pritur mirë ndjekësit e saj në “Instagram”, ku njëra prej të cilave i komenton se është zhgënjyer nga posti i saj.
“Po më zhgënjen Rozana. Ta lexoja NGA një close mind hajde de. Nga ju, zhgënjim. Ishalla mësohemi ndonjëherë ne shqiptarët të shohim punët tona”
Ndërkohë, këngëtarja nuk ka nguruar t’i kundërpërgjigjet, duke e sqaruar që është thjesht humor.
“Është humor e dashur! Pak me limonatë statustet në verë.”
