Kreshnik Spahiu është ‘zëri’ i radhës që i është bashkuar komenteve në lidhje me vendimin se qeveria amerikane ka shpallur non-grata ish-kryeministrin Sali Berisha dhe familjen e tij, duke i ndaluar kështu hyrjen në SHBA. Ish-kreu i “Aleancës Kuq e Zi”, Spahiu, sqaron se këtë fakt ka 2 vjet që e ka publikuar në media, por atë nuk e kanë besuar.
Sekretari Amerikan i Shtetit, Antony Blinken, ka shpallur “non grata” ish-kryeministrin Sali Berisha dhe familjen e tij. Departamenti Amerikan i Shtetit ka shpallur “non grata” duke i ndaluar hyrjen në Shtetet e Bashkuara Sali Berishës dhe familjarëve të tij, bashkëshortes Liri Berisha, djalit Shkëlzen dhe vajzës Argita Berisha Malltezi.
Statusi
LAJM I FUNDIT / QEVERIA AMERIKANE sapo publikoi zyrtarisht shpalljen NON-GRATA të Sali Berishës dhe familjes së tij.
Kam dy vjet që e deklaroj në media këtë fakt dhe shumë nga ju nuk më kanë besuar: Cili është komenti juaj?
