Babai i ish-kryeparlamentarit të Kosovës, Kadri Veseli, ka ndërruar jetë mëngjesin e sotëm. Lajmin e ka përcjellë zyrtari i PDK-së, Donjet Bislimi.
“Ishe Hero sepse rrite heroin tonë të gjallë, Prehu në paqe Baci Fazli. Ngushëllime familjes Veseli, Mitrovicës dhe gjithë Kosovës!”, ka shkruar Bislimi.
Kadri Veseli ndodhet në paraburgimin e Hagës, pas ngritjes së akt-akuzës për të dhe krerët e tjerë të UÇK për krime lufte.
Pak kohë më parë, Veseli mori leje dhe ishte në Kosovë për të parë të atin, i cili ndodhej në spital. Për shkak të përkeqësimit të shëndetit të babait të tij, Kadri Veseli vizitoi Kosovën për 3 ditë në muajin maj. Ai qëndroi nga data 2 maj deri më 5 maj në spitalin ku ishte shtruar babai i tij.
