Kandidati për kryetari i Partisë Demokratike, Fatbardh Kadilli ka sulmuar kryedemokratin Lulzim Basha, teksa u shpreh se mbështetjen më të madhe, ai e merr nga kryeministri Edi Rama. Deklarata e Kadillit u bë mbrmjen e sotme në emisionin “Open” në Top Channel.
Sipas Kadillit, beteja për votën e manipuluar të 25 prillit, përfundoi në momentin që Basha afroi datëne zgjedhjeve në PD.
Fatbardh Kadilli: Gjithmonë është menduar se Berisha mbështet Bashën se është produkt dhe investim i Berishës. I është dhënë me dashamirësi cdo lloj politike dhe sot njeriu më i zhgënjyer me të duhet të jetë Berisha. Nuk arriti të krijonte në PD atë që duhet, fitoren dhe ajo që Berisha kërkon më pak është të jetë nr.2, të bëhet me nr.3. Sot Basha mbështetjen më të madhe e merr nga Rama në mënyrë indirekte. Ka mekanizma plot me ofertën se me ty do të vazhdoj. Beteja për votën falimentoi kur afroi datën e zgjedhjeve. E kam kërkuar me këmbëngulje që të kemi një debat të katërt.
