Shefja e Epidemiologjisë në ISHP, Eugena Tomini i ka mohuar zërat se ajo mund të jetë prekur nga koronavirusi.
Në një lidhje live me News24, Tomini tha se ajo nuk pasur asnjë shenjë klinike dhe ka rezultuar negative në testet e zhvilluara.
“Kam qenë në komunikim gjithë kohës me mediat, e përsëris se nuk kam pasur shenja klinike dhe nuk jam testuar pozitive ndaj COVID-19. Familja ime e ngushtë, vajza, djali dhe bashkëshorti gëzojnë shëndet të plotë, ndërkohë që nuk dua të prononcohem për më tej…”, tha ajo.
Deri më tani në Shqipëri janë regjistruar 518 raste pozitive me koronavirus. Nga këto raste: 277 janë shëruar ndërsa 26 persona kanë humbur jetën.
