Largimi i Skënder Gegës nga posti i trajnerit, ka tronditur tifozët e Partizanit. Por duket se ky nuk është largimi i vetëm. Klevis Dalipi ka njoftuar se do të largohet nga drejtimi i skuadrës së 19-vjeçarëve.
Dalipi ka qenë ndihmës-trajneri për shumë vite tek të kuqtë, ndërsa ka mbajtur edhe pozicionin e trajnerit në disa ndeshje në fundin e sezonit të kaluar. Ndërkohë, këtë vit, ai ishte trajner i të rinjve të Partizanit.
Mësohet se klubi ka vendosur të bëjë disa ndryshime në strukturën e akademisë, dhe Dalipi nuk do të jetë më, duke parë edhe rezultatet jo të mira të Partizanit U-19 sezonin e kaluar.
Nëpërmjet një postimi në rrjetet sociale, Dalipi njofton për miqtë e tij largimin: “Për 7 sezone kam qenë pjesë e strukturës së Partizanit, duke e përfaqësuar këtë klub me dinjitet e profesionalizëm. Gjithmonë ka një fund dhe një fillim të ri. Falënderoj familjen Partizani, presidentin dhe tifozët”.
