Kreu i Partisë Konservatore, Kujtim Gjuzi, ka ironizuar kryeministrin Edi Rama, duke u shprehur se ai tashmë është i larguar sepse ka 6 vite që nuk bën asnjë punë.
I ftuar në emisionin “360 Gradë” në Ora News, Gjuzi shprehet se në këto momente krize duhet të tregohet forca e Partisë Demokratike, teksa shton se kryeministri Rama deri më tani ‘ka bërë vetëm tallava duke i ra dajres’.
“Ne jemi më Evropianë se Evropianët. Vetë dhurata që të solla sot, që nuk ta solla pa qëllim, me të treguar ty se sa e hershme është bukuria e Tiranës. Me të tregu ty se ajo amforë është vetë sa historia e njerëzimit. Rama është i larguar se ka 6 vite që bën zero punë. Apo jo Edo na trego ça pune ke bërë. Ke bërë vetëm tallava lale duke i ra dajres. Administrata kriminale 78 vjeçare e mban peng vendin. Në këtë moment duhet të provohet forca e PD-së që nuk ka më asnjë bashki”, deklaroi Gjuzi.
