Data 30 qershor po afron dhe debatet në lidhje me cfarë do të ndodhë në këtë datë vijojnë e bëhen edhe më të ashpra.
Avokati Idajet Beqiri, zv.ministrja e Brendshme Rovena Voda, deputeti Lefter Maliqi dhe kreu i FRPD-së Belind Këlliçi kanë diskutuar rreth kësaj çështjeje në emisionin “Dritare me Rudinën” në News24.
Avokati Idajet Beqiri dhe zv.ministrja e Brendshme Rovena Voda mbrojtën idenë se në datë 30 qershor do të ketë zgjedhje, ndërsa deputeti Lefter Maliqi dhe kreu i FRPD Belind Këlliçi thanë se më datë 30 nuk do të mbahen zgjedhje.
Pjesë nga debati:
Idajet Beqiri: BE nuk do precedentë të rënda. Amerika nuk do dhunë.
Lefter Maliqi: Si do të ketë proces normal? Si do të ketë proces normal, kur këtu edhe në zgjedhjet e kaluara nuk kanë qenë zgjedhjet normale. Nëse ndodh, do ketë diktaturë, por nuk ndodh. Ti je pjesë e diktaturës.
Idajet Beqiri: Ndërkombëtarët kanë folur.
Rovena Voda: Ministria e Brendshme ka marrë masa. Unë jam i bindur se nuk do të ketë ndonjë përplasje, por vetëm incidente të izoluara edhe mundet të ketë. Procesi do të jetë normal.
Maliqi: S’do ketë zgjedhje, këtu do jemi më 1 korrik.
Voda: Këtu do jemi. Janë marrë masa dhe procesi do jetë normal. Po flet gjëra që janë të dhunshme.
Këllici: Nuk ka asnjë person, asnjë zyrtar të shtetit që ka shkuar në burg për vjedhje dhe grabitje. Për 30 qershorin unë jam i bindur që më 30 qershor nuk do të ketë zgjedhje.
Beqiri: Pse nuk hyni në zgjedhje, hyni.
