Koronavirusi infekton këdo. Pavarësisht thirrjeve të vazhdueshme të mjekëve, është vënë re që ka patur edhe të rinj të cilët nuk ia kanë dalë dot mbanë me virusin. Por kush janë kategoritë që riskojnë më shumë? Doktoresha e shkencave mjekësore në SHBA, shqiptarja Lisiena Hysenaj sqaroi në ‘Wake Up’, se përse individë të ndryshëm reagojnë ndryshe ndaj Covid-19. Ajo zbuloi se personat që janë të prekur më shumë nga Covid-i janë personat që kanë diabet të tipit 2, ata që vuajnë nga obeziteti dhe personat që kanë sëmundje imunitare.
“Kemi disa pista që mund të shpjegojmë se përse disa persona infektohen më shumë nga SarsCov2 dhe pse të tjerët infektohen më pak.
Janë disa kritere. Unë merrem me qelizat e mukozës, por kemi një pjesë tjetër të ekipit që merret me sistemin imunitar me moshën, sepse trupi i njeriut nuk është vetëm një pjesë.
Faktori kryesor që ne tashmë e dimë dhe jemi të sigurt. Personat që janë të prekur më shumë nga Covid janë personat që kanë diabet të tipit 2, janë personat që vuajnë nga obeziteti dhe këta duhet të ruhen shumë.
Ne kemi parë që normalisht trendi është kështu, meshkujt e vjetër infektohen më shumë, Njerëzit që kanë diabet infektohen më shumë dhe personat që kanë sëmundje imunitare infektohen shumë.
Kemi parë persona 29 vjeç që infektohen shumë, dhe kemi bërë analizat gjenetike dhe kemi parë që ata kanë gjene të veçanta që i predisponojnë më shumë”, sqaroi ajo.
