Juventusi mendon revolucionin, Zidan në vend të Pirlos dhe një bomber i ri

Nga Spanja vijnë konfirmime të reja në lidhje me uljen e mundshme të Zidanit në stolin e Juventusit në vend të Andrea Pirlos. Me të edhe ‘galaktiku’ Benzema.

Në Spanjë, shumë më tepër sesa në Itali, janë të bindur se Juventusi i 2021/2022-shit nuk do të ketë më Andrea Pirlon si trajner. Fatal ishte eleminimi i papërtypshëm nga Champions League dhe dështimi i mundshëm për të fituar kampionatin e dhjetë radhazi. Por kush do ta pasojë? ‘Diariogol’ e ka një emër: Zinedine Zidane.

Juventusi padyshim që përfaqëson një tundim të fortë për francezin, ish futbollist i bardhezinjve. Me rrezikun e shkarkimit nga Reali, gjithmonë dhe më eminent, 48-vjeçari nga Marseja mund t’i thotë ‘po’ propozimit të mundshëm të admiruesit të tij Andrea Anjeli.

‘Diariogol’ gjithashtu raporton  përsa i përket Karim Benzemasë si një kërkesë e parë e Zizu në rast emërimi tek bardhezinjtë, të cilin tekniku e konsideron një nga sulmuesit më të mirë në Evropë.

Kontrata i skadon në qershor 2022 (paga prej gati 9 milion neto), por Perez mund ta lejojë ish sulmuesin e Lionit  të largohet. Duhet thënë se Zidan mund ti ndryshojë mendimin edhe Kristiano Ronaldos, që duket tani i vendosur për t’i thënë lamtumirë ‘biankonerëve’.