Marash Kumbulla është shqiptari më i kërkuar në Serie A dhe janë të shumta klubet që e duan.
Gjithsesi të reja ka për një futbollist tjetër, të ri, dhe që e ka marrë Juventusi kampion.
Gazetari Nicolo Schira raporton se marrëveshja është mbyllur dhe bëhet fjalë për mbrojtësin Albian Hajdari.
Bëhet fjalë për një 17-vjeçar, i cili ishte pjesë e skuadrës së të rinjve të Basel dhe që ka rënë dakord për të kaluar te bardhezinjtë. Kontrata që ka nënshkruar është 3-vjeçare dhe me shumë mundësi do të luajë me moshat e Juventusit, siç ka bërë edhe më parë sulmuesi Andi Zeqiri.
Hajdari është pjesë e Zvicrës U17, madje titullar i rëndësishëm. Skautët e Juventusit e kanë zbuluar dhe tashmë klubi ka bërë lëvizjen konkrete, duke e transferuar në Itali. /abcnews.al
