Nëse një muaj më parë përpjekjet për të dërguar Miralem Pjanic në Barcelonë dhe për të sjellë mesfushorin Arthur Melo në Torino dukeshin të komplikuara, aktualisht duket se palët tashmë po shkojnë drejt zgjidhjes.
Insistimi i Juventusit ka funksionuar me brazilianin Arthur Melo që ka nisur të kuptojë se nuk është më parësor në planet e trajnerit Setien.
Tek bardhëzinjtë, mesfushori pritet të ketë një pagë trefish më të lartë, nga 2.2 milion euro që përfiton aktualisht në Barcelonë, në 7 milion euro, për 5 vitet e ardhshme.
Në Spanjë, operacioni duket i përfunduar.
Ajo që ka mbetur, është vetëm përgjigjja e Arthur Melo për të lënë katalanasit pas 2 sezonesh, shkruan “A2”.
