Raymond Domenech, ish-trajner i Kombëtares së Francës ka komentuar finalen e Champions League, e cila do të luhet më 3 qershor.
Sipas tij, Real Madrid është favorit ndaj Juventusit për të fituar trofeun, kjo sepse skuadra madrilene ka më shumë lojtarë të mirë se “Zonja e Vjetër”.
“Sipas meje, Real Madrid është favorit i padiskutueshëm. Zidane ka lojtarët më të mirë dhe ata fituan edhe vitin e kaluar. Juventus është një ekip tepër solid, por mendoj se Real Madrid mund t’i thyejë. Zidane ishte një lojtar i madh dhe ai nuk fliste shumë në fushë, por ai vazhdonte të ishte lideri i çdo ekipi ku ka luajtur edhe pa ngritur duart e duke bërtitur”, ka thënë francezi në Sky Sports Italia.
