Shpeshherë këngëtarin e famshëm Justin Bieber e kemi parë duke qarë në publik dhe fansat janë shqetësuar për gjendjen e tij shëndetësore.
Justin së fundmi ka sqaruar gjithçka përmes një dokumentari në Youtube.
Pasi tregoi luftën me disa sëmundje dhe varësinë ndaj lëndëve narkotike, këngëtari zbuloi se gjendja e tij emocionale ka qenë mjaft e dobët.
Për këtë arsye, atë e kemi parë shpesh duke shpërthyer në lot në publik: “Kur dilja në media dhe shikoja gjëra në internet, njerëzit thonin ‘Justin është i zemëruar, pse është i zemëruar?’, është sikur ata s’më japin leje të jem i zemëruar. Unë nuk kam leje të jem njeri dhe të nxjerr lot. Ka kaq shumë njerëz që në bisedat e përditshme me të dashurën, gruan apo mamanë e tyre që thyhen emocionalisht, e ke parasysh? Por nuk kanë kamera që t’ia regjistrojnë këtë moment. Ndaj ata pyesin “Është mirë ai? Po kalon një krizë mendore?” Jam thjesht emocional dhe është thjesht ok”.
