Ish-konkurrent i show-t televiziv, ‘Dance With Me’, Valer Kolnikaj ka nxjerrë në dritë disa nga prapaskenat e këtij spektakli.
I ftuar në emisionin “Thumb On” në Ora News, Kolnikaj tha se juria është kërcënuar nga disa konkurrentë “të dobët” në lidhje me pikët. Ai shton se këta konkurrentë kanë paralajmëruar jurinë se nëse nuk merrnin pikë të larta, ata do linin garën në mes.
Më tej, ai shton se pasi juria u jepte atyre pikë të larta, ata shkonin te konkurrentët e fortë dhe u kërkonin falje për ato pikë.
“Disa personazhe që nuk dinë të kërcejnë kanë kërcënuar jurinë se do lënë garën nëse nuk vlerësohen me pikë të larta. Këta personazhe janë ata që nuk dinë të kërcejnë dhe aq mirë sa të tjerët dhe kjo është lehtësisht e kuptueshme se kush di të kërcejë dhe kush jo.
Unë isha i dyti me dy pikë, se ishte e gjithë përmbledhja e javëve dhe këto dy pikët ishin pas një masakrimi të javë pas javshme nga ana e jurisë. Për t’i bërë qejfin një çifti që nuk dinte të kërcente fare, javë pas jave, juria thoshte na duroni ju, ne po heqim të zitë e ullirit, për të bindur tjetrin se thoshin do lë spektaklin, do lë garën. Pas vlerësimit thoshin ma bëj hallall mos na i merr më të keq, ju na duroni”, tha ai.
Pse rrogat rriten në letra, por varfëria rritet në realitet?
