Aktori i humorit Julian Deda ka ironizuar nëntë kushtet që koalicioni qeverisës CDU/CSU i ka vendosur Shqipërisë për hapjen e negociatave me BE-në.
Përmes një statusi në ‘Facebook’, Deda ka vendosur 9 kushte, duke nisur nga ato më jetiket, uji dhe dritat. Në sensin e një ironie, ai ka kërkuar po kështu që ti bëhet testi i shëndetit mendor çdo personi që do të ketë vendimmarrje në Shqipëri.
Statusi
Nëntë kushtet:
- Ujë dhe drita 24 orë.
2. Të bëhet testi i shëndetit mendor për çdo njeri që do ketë vendimmarrje në këtë vend.
3. Mashtruesit dhe hajdutët e taksave te shqiptarëve të dënohen njësoj si vrasësit.
4. Servilët të shpallen non grata.
5. Profesionistët të kenë perparësi kur bëhet fjalë për vende pune.
6. Të krijohen kushtet e favorshme, që shqiptarët e ikur nga vendi të kthehen dhe të punojnë këtu.
7. Të pesëfishohen te ardhurat për frymë, që shqiptarët të mos jetojnë sot për nesër.
8. Mediat të jenë 100% të lira dhe të pandikuara për të ushtruar detyrën.
9. Zgjedhjet, jo vetëm te jenë të lira dhe të ndershme, që populli të ketë mundësi të zgjedh atë që do, përfshirë këtu edhe Presidentin.
Bundestagu gjerman apelon ndaj të gjitha forcave politike në Shqipëri që të bëjnë çdo përpjekje për të kapërcyer menjëherë këtë krizë përmes dialogut politik, përndryshe rruga për nisjen e negociatave të pranimit do bëhet dukshëm më e vështirë.
Dokumenti ka 9 pika të kërkesave ndaj Shqipërisë të cilat ndahen në dy blloqe. Në bllokun prioritar janë reforma zgjedhore, ngritja e Gjykatës së Lartë dhe Kushtetuese, ndërsa gjashtë pikat e tjera hyjnë në bllokun e dytë të cilat duhet të plotësohen kur të hapen negociatat.
