Napoli ka arritur të rimarrë vendin e parë në Serie A, pasi mposhti me rezultatin 1-0 Udinesen në transfertën e javës së 14. Ka qenë një fitore mjaft vuajtur nga Napolitanët të cilët golin e fitores e gjetën pas një 11-metërshi të goditur nga Jorginho. Ky i fundit gabon në goditjen e parë, por pasi Scuffet e ndal topi, ai kthehet sërish në këmbët e italo-brazilianit i cili këtë herë e dërgon në rrjetë. Goli është shënuar që ë pjesën e parë dhe është mbrojtur me shumë vështirësi deri në fundin e takimit. Pasi Udinese ushtroi shumë presion dhe rrezikoi ta barazonte disa herë ndeshjen, por në fund festa ishte për djemtë e Sarrit. Napoli rikthehet në vendin e parë, pasi e kishte humbur një natë më parë duke ia marrë Interi.
Ndërsa Roma e Di Francescos ka ngecur në transfertën e Genoas, ku nuk ka arritur më shumë se një barazim 1-1. Pas një dominimi të çdo reparti në pjesën e parë dhe shumë raste të shpërdoruara nga sulmuesit romanë Dzeko dhe Perotti, pjesa e dytë ka histori tjetër. Genoa pas pushimit kthehet më e rrezikshme dhe merr frenat e ojës në dorë duke iu afruar disa herë portës së mbrojtur nga Alisson me Taarabt dhe Pandev, por pa sukses. Në të 59’ Florenzi hedh në top në zonë, ku shfaqet El Shaarawy dhe godet menjëherë duke e dërguar topin në rrjetë. Por 11 minuta më pas De Rossi shkakton një faull në zonë, arbitri akordon penallti dhe aton të kuq për mesfushorin. Është Lapadula që merr përsipër ekzekutimin e këtij 11-metërshi dhe e dërgon në rrjetë. Pas barazimit Roma është e pafuqishme për të reaguar dhe administron rezultatin për të mos pësuar sërish gol. Me shifrat 1-1 mbyllet sfida dhe Roma mbanë vendin e katërt me 31 pikë, tre më shumë së Lazio i cili ka një ndeshje më pak.
Milani është ndalur në ‘San Siro” nga Torino. Një ndeshje mjaft e vështirë për milanezët të cilët janë duke kaluar një formë mjaft të dobët këtë sezon në kampionat, ku në 14 ndeshje, 6 herë kanë fituar dhe po aq herë janë mposhtur, ndërsa vetëm dy sfida janë mbyllur në barazim. Milani mbanë vendin e 7 me 20 pikë dhe diferenca me zonën Champions është shumë e madhe. Ndërsa Torino ka një pikë më pak dhe qëndron në vendin e 10.
