Aktorja Jonida Vokshi na ka habitur të gjithëve teksa ka pranuar publikisht se jo vetëm që është në një lidhje, por ajo së shpejti do të martohet. Lajmin e bëri me dije vetë Jonida teksa ishte e ftuar në emisionin “Xing me Ermalin”.
Më herët ajo është treguar gjithnjë shumë e rezervuar për jetën private, ndërsa mbrëmjen e kaluar, Jonida pranoi që është e dashuruar, madje ka treguar edhe kush është ai që i ka rrëmbyer zemrën dhe që shumë shpejt do të kurorëzojnë dashurinë me martesë.
Aktorja rrëfeu se partneri i saj është Besnik Krapi dhe se bashkë janë njohur gjatë xhirimeve të “O sa mirë”, pasi ai ishte pjesë e kastit, si producent dhe aktor.
Më tej, ajo tha se i dashuri i zemrës është një natyrë diskrete dhe nuk i pëlqen të jetë në qendër të vëmendjes.
