Kryeministri britanik, Boris Johnson, është shprehur se vala e dytë e pandemisë në Mbretërinë e Bashkuar është e paevitueshme, bazuar në rritjen e rasteve të reja.
“Nuk dua që të kemi masa më të rrepta të izolimit. Mirëpo kur shohim se çfarë është duke ndodhur tani, po mendojmë nëse duhet të shkojmë përtej rregullit të lejimit të gjashtë personave nëpër ambiente publike”, tha ai.
Johnson u shpreh se izolimi i dytë është gjëja e fundit që e dëshiron, duke theksuar se do të ketë një rishikim të masave shtrënguese.
Autoritetet britanike kanë regjistruar të premten 4,322 raste të konfirmuara me koronavirus, një rritje për gati 1,000 më shumë të infektuarve në krahasim me një ditë më parë.
Deri më tani, Mbretëria e Bashkuar ka regjistruar gjithsej mbi 385 mijë raste pozitive me koronavirus dhe 41.732 viktima.
