Pas kthimit të tij në punë, kryeministri i Britanisë së Madhe, Boris Johnson, ka mbajtur fjalimin e tij të parë publik. Ai tha se Britania po bënte përparim në trajtimin e shpërthimit, me uljen e numrit të pacientëve në spitale dhe se ka shenja të vërteta tani që tashmë po kalohet piku i pandemisë, shkruan CNN.
“Nëse ky virus do të ishte një sulmues fizik, një sulmues i papritur dhe i padukshëm, të cilin mund t’ju them nga përvoja personale që është, atëherë ky është momenti kur ne kemi filluar ta luftojmë atë”, tha Johnson.
Gjithsesi, ai i druhet një shpërthimi nga popullata, pasi nuk kanë më durim që të përballojnë këtë situatë. Për hir të pandemisë, qytetarët janë të izoluar, dhe kjo e ka vështirësuar jetesën.
Ai paralajmëroi se Britania ishte në një moment të “rrezikut maksimal”.
Johnson tha se ai kuptonte shqetësimet e sipërmarrësve, dhe se pa një ekonomi funksionuese nuk kishte asnjë mënyrë për të financuar Shërbimin Kombëtar të Shëndetit në vend.
