Pas djegies së mandateve, disa nga kandidatët në listat e PD-së dhe LSI-së morën mandatet e deputetit, duke hyrë në Kuvendin e Shqipërisë. Ata janë cilësuar shpesh si ‘tradhtarë’ nga opozita e bashkuar jashtë Kuvendit. Megjithatë, deputetët e rinj dhe ata që kanë lënë mandatet bashkohen në një pikë: në protestën kundër qeverisë Rama.
Pavarësisht hatërmbetjeve, deputeti Lefter Maliqi ka deklaruar se do të marrë pjesë në protestën e opozitës së bashkuar. Por, mësohet se Maliqi nuk do të jetë i vetëm nga radha e deputetëve të rinj.
Edhe deputetja nga radhët e LSI-së, Elda Hoti do të protestojë sot para Kryeministrisë. Lajmin e ka bërë të ditur vetë deputetja lezhjane, e cila në një postim në Facebook shkruan:
“Nuk mund të hesht dhe të rri duarlidhur, në ktë situatë që ndodhet Shqipëria ime!
Sot do jem me protestuesit në mbështetje të zgjedhjeve të lira dhe pluraliste, kundër kthimit te diktaturës për një Shqipëri Europiane!”, shkruan deputetja.
